【賭王又準備抱孫】何猷啟認老婆懷孕8個月陀B女：比較想低調

【新增回應】

賭王三房孻仔何猷啟今年2月宣佈與國產女友GiGi已註冊結婚，同年4月承認已有一個11月大的囡囡Tittania，囡囡現已一歲多，原來猷啟今年再度做爸爸，GiGi再度大肚，日前被傳媒影到「一家四口」在中環行街，GiGi已明顯見肚，他們亦小心照顧同行的囡囡。

《蘋果》今日聯絡猷啟恭喜他再榮升人父，他表示：「好開心，有BB，不過我哋都比較想低調，到BB出世會通知大家。」再問到今胎BB的性別，他就未有透露。據知GiGi雖然陀B不算太增磅，如上一胎手腳纖幼，但已懷孕8個月，預產期將會是11月，即是猷啟兩年抱兩，再度為賭王家族添第三代，而今胎將會再生女。

何猷啟胞姊何超蓮將再做姑媽，她今日回覆《蘋果》時說：「好開心，好開心，好恭喜佢呀，其實知道咗一段時間，冇同大家公開講，多謝大家關心，好期待BB出世。」

—————————–

【撐學生】

召集有心人 撐學生全年睇《蘋果》

立即按此